我(Anthony)祖籍佛山，由於父母都只係小學未畢業嘅程度，對於細路仔床褥毫無講究。更差嘅係，一張低質的連鎖彈簧床褥我一用就用左超過十年，因為連鎖彈簧床褥用太耐中間會向下彎，失去承托力，再加上熱愛運動嘅我，運動造成各種拉傷同肌肉痛症，加上冇好床褥係瞓覺時放鬆全身，久而久之，腰背痛已經成為左我最貼身嘅 “損友”。
passion的故事
畢業後，我第一件事就係聽朋友講買左張酒店級獨立袋裝彈簧仲要有脊醫學會認可嘅大品牌床褥，當時價值5000蚊港紙，用左我接近半個月人工，買嘅時候我覺得好值得，瞓左一個月之後發覺情況根本冇改善，加上投身社會後返工時間長，長期企同坐都令到我腰背痛嘅情況更趨嚴重……
真正合適自己嘅床褥
近年有幸認識左物理治療師THOMAS，佢俾左好多關於睡眠，護脊同埋防止痛症惡化嘅意見俾我，同埋佢建議我去買張真正合適自己嘅床褥去瞓。真正合適自己嘅床褥呢句聽落好簡單,但我之後走訪各大百貨公司，試過無數品牌，大部份都話自己嘅床褥點好點好，適合任何人去瞓，但價錢平嘅一般是用連鎖彈簧做支撐，腰背經常會有空間，訓醒成身硬晒。而貴價嘅獨立袋裝彈簧床褥係香港買到嘅都係外國大品牌，佢地針對外國人身體結構去研發床褥，對一般香港打工仔黎講真係太軟，而且大牌子床褥嘅價錢仲唔係普通人承受得起。
passion嘅特性
諗到呢度，我好有衝動去研發一張香港打工仔專屬嘅床褥，我希望我研發嘅床褥有以下幾個特性：
對經常坐或企嘅上班族要有足夠承托，因為日間返工時間太長，瞓太軟嘅床褥係冇辦法令肌肉放鬆，太硬更加唔得，起身好似俾人打左一身咁！
要防止腰背不適既情況惡化，床褥既物料要經過精心挑選同埋合乎國際標準，而物料既比例亦係關鍵！
床褥面套可以拆出黎清洗，因為咁多年以黎清潔床褥只可以用吸塵機或者用太陽晒，如果可以拆出黎洗就包保乾淨啦！
價格必須係普通打工仔都能夠輕鬆買得起！
passion的誕生
要做到心目中嘅床褥，梗係由自己鄉下入手，佛山係全中國最大嘅傢俬批發地,全球亦都有大量傢俬由佛山嘅工廠生產。係佛山市嘅床褥廠房過千家，但要搵好嘅工廠真係一隻手數得晒，而能夠乎合國際標準，取得國際認證嘅更加係萬中無一。
對於我嘅理念，Thomas同勇哥俾左好多專業意見俾我，產品經過12個月嘅研發，測試同改良，passion最終喺2019年10月面世。我地嘅新產品，選用最優質及適合港人嘅彈簧粗幼度，完美解決其他外國牌子獨立袋裝彈簧較鬆軟問題。頂層使用最新德國技術纖織綿，回彈力和透氣度比傳統記憶綿大大提昇！配合中層頂級天然乳膠，完美緊貼身體曲線，再加入兩層竹碳棉，避免香港的潮濕環境使彈簧的耐用程度減低。在完美嘅4 +2+2+20+2 = 30 厘米嘅黃金比例下，最理想嘅睡感終於誕生，而且我肯定售價大家都可以輕鬆負擔！
12
個月研發，測試及改良。
黃金比例
4+2+2+20+2 = 30厘米
總結
最後我係度想講一點，床褥無可能一張就適合晒全世界嘅人，而passion 床褥係針對大部分香港上班族嘅需要去調配嘅床褥，仲特別提供兩個不同軟硬度，就算你同你既伴侶有唔同需要都可以同時配合得到，而且價錢絕對係任何人都可以負擔得起。
用身體去感受，你嘅身體會好誠實咁話俾你知passion床褥就係最適合你嘅床褥。
